Ռայան Ռութը մեղավոր է ճանաչվել ԱՄՆ նախագահ Դոնալդ Թրամփի նկատմամբ մահափորձ իրականացնելու համար, գրում է BBC-ն:
Դեպքը տեղի էր ունեցել Ֆլորիդայում գտնվող գոլֆի դաշտում՝ 2024 թվականի սեպտեմբերին։ 59-ամյա Ռութը մեղավոր է ճանաչվել բոլոր հոդվածներով, այդ թվում՝ նախագահի հիմնական թեկնածուի մահափորձի և մի շարք հրազենային հանցագործությունների համար։
ԱՄՆ Գաղտնի ծառայության աշխատակիցներից մեկը նկատել էր թփերից դուրս ցցված հրացանի փողը և կրակ բացել այն բռնած տղամարդու վրա, ով հետագայում նույնականացվել էր։ Վերջինս փախել է տեղից, սակայն ձերբակալվել մոտակայքում։
Դրանից առաջ՝ հուլիսի 13-ին, Փենսիլվանիայում՝ նախընտրական հանրահավաքի ժամանակ, Թրամփի նկատմամբ առաջին մահափորձն էր իրականացվել։ Փամփուշտը վնասել էր նրա աջ ականջի վերին հատվածը։ Թրամփի ուղղությամբ կրակողն սպանվել էր, զոհվել էր հանրահավաքի մասնակիցներից մեկը, վիրավորվել՝ 2 քաղաքացի։
