Լվովում սպանվել է Գերագույն ռադայի նախկին նախագահ, Ուկրաինայի ազգային անվտանգության և պաշտպանության խորհրդի նախկին քարտուղար Անդրեյ Պարուբին, հայտնում է ՏԱՍՍ գործակալությունը։
«Կեսօրին Լվովի Սիխովի շրջանում կրակոցների մասին հաղորդում է ստացվել։ Ստացված վնասվածքների հետևանքով տուժողը տեղում մահացել է»,- հրատարակությունը մեջբերում է իրավապահ մարմինների տեղեկատվությունը։
«Իզվեստիան» հայտնում է, որ ենթադրյալ մարդասպանը 8 անգամ կրակել է նախկին պաշտոնյայի ուղղությամբ, որից հետո զենքը դրել է իր պայուսակի մեջ և հեռացել: Կասկածյալը հագնված էր որպես Glovo-ի մատակարար և տեղաշարժվել է էլեկտրական հեծանվով։
Ուկրաինայի նախագահ Վլադիմիր Զելենսկին հաստատել է Պարուբիի սպանությունը: Ոստիկանությունը պարզում է տեղի ունեցածի հանգամանքները։
Պարուբին ծնվել է 1971 թվականի հունվարի 31-ին՝ Լվովի մարզում։ 2014 թվականի փետրվարի 27-ից օգոստոսի 7-ն զբաղեցրել է Անվտանգության խորհրդի քարտուղարի պաշտոնը։ 2016 թվականի ապրիլի 14-ից մինչև 2019 թվականի օգոստոսի 29-ը նա Գերագույն ռադայի նախագահն էր։ Մասնակցել է 2014 թվականի պետական հեղաշրջմանը, 2018 թվականի նոյեմբերի 1-ին ընդգրկվել է Ռուսաստանի պատժամիջոցների ցանկում։
