Երկու կուսակցությունների մի խումբ սենատորներ ԱՄՆ նախագահ Ջո Բայդենին խնդրել են հետաձգել Թուրքիային F-16 ինքնաթիռների վաճառքն այն պատճառով, որ Անկարան մինչ օրս չի վավերացրել ՆԱՏՕ-ին Շվեդիայի և Ֆինլանդիայի անդամակցությունը:
Ինչպես հայտնել է «Интерфакс»-ը, նամակն ուղարկվել է դեմոկրատ սենատոր Ջին Շեյխինի և հանրապետական սենատոր Թոմ Թիլիսի համատեղ ջանքերով: Նամակը ստորագրել են նաև երկու կուսակցություններից ևս 25 սենատոր։
Նամակի հեղինակները կարծում են, որ Կոնգրեսը կարող է դիտարկել Թուրքիային F-16 ինքնաթիռների վաճառքը միայն այն բանից հետո, երբ Թուրքիան վավերացնի Սկանդինավյան երկրների անդամակցությունը ՆԱՏՕ-ին: Ընդ որում, եթե դա տեղի չունենա, վաճառքը հարցականի տակ կլինի։
Ավելի վաղ հայտնի էր դարձել, որ ԱՄՆ վարչակազմը մտադիր է Կոնգրեսից պահանջել Թուրքիային 40 նոր F-16 կործանիչների, ինչպես նաև այդ տեսակի 79 ինքնաթիռների արդիականացման համար նախատեսված լրակազմերի վաճառքի հավանությունը:
2022 թվականի հունիսին Թուրքիան համաձայնել է աջակցել ՆԱՏՕ-ին անդամակցելու Շվեդիայի և Ֆինլանդիայի հայտերին Մադրիդում դաշինքի գագաթնաժողովում։ Թուրքիայի նախագահի աշխատակազմը հայտարարել է, որ երկու երկրները խոստացել են չսատարել Քրդստանի աշխատավորական կուսակցությանը (PKK), Սիրիայի քրդերի ինքնապաշտպանական ուժերին (YPG), ինչպես նաև քարոզիչ Ֆեթուլլահ Գյուլենի FETO շարժմանը: Թուրքիայի նախագահ Ռեջեփ Թայիփ Էրդողանը հունվարի 23-ին հայտարարել էր, որ Շվեդիան այլևս չպետք է Անկարայի կողմից աջակցի ՆԱՏՕ-ին իր հայտին Ստոկհոլմում տեղի ունեցած ակցիաներից հետո:
