Թուրքական դրոշի ներքո նավարկող Mv Reyhan Sari բեռնատար նավը Սև ծովում ենթարկվել է անօդաչու թռչող սարքի հարձակման, հայտնում է «Կոմերսանտը»՝ վկայակոչելով թուրքական լրատվամիջոցներին:
Նշվում է, որ ածուխ տեղափոխող նավը հարձակման պահին Ռուսաստանի Թաման նավահանգստից ուղևորվում էր դեպի Թուրքիա՝ Տրապիզոն: Նավի սեփականատեր T&O Shipping Co. Ltd.-ն հայտնել է, որ անձնակազմի մեկ անդամ զոհվել է, երկուսը՝ վիրավորվել: Բեռնատարը վնասվել է, բայց կարողացել է հասնել Սամսունի նավահանգիստ՝ սեփական ուժերով: Վիրավոր նավաստիներն ափ են տարհանվել ուղղաթիռով:
Լրատվամիջոցները հրապարակել են նավի վրա հարվածի կադրեր, որոնք նկարահանվել են անօդաչու թռչող սարքի կողմից: Տեսանյութին կից՝ ինֆոգրաֆիկան ցույց է տալիս, որ անօդաչու թռչող սարքը կառավարվել է Ուկրաինայի զինված ուժերի օպերատորների կողմից:
Ըստ ԶԼՄ-ների՝ վիրավոր նավաստիներն այսօր տեղափոխվել են Տրապիզոնի հիվանդանոց: Մահացածը նույնականացվել է որպես 54-ամյա մեքենայական սենյակի աշխատող:
ՌԲԿ-ի տվյալներով՝ թուրքական նավը հարձակման է ենթարկվել Նովոռոսիյսկի մոտակայքում։
