ԱՄՆ-ն կանադական ապրանքների վրա 100% մաքսատուրք կսահմանի, եթե Կանադան համաձայնության գա Չինաստանի հետ, հայտարարել է ԱՄՆ նախագահ Դոնալդ Թրամփը։ Այս մասին նա գրել է Truth Social-ում:
«Եթե Կանադան համաձայնության գա Չինաստանի հետ, ապա անմիջապես կբախվի ԱՄՆ մտնող բոլոր կանադական ապրանքների վրա 100% մաքսատուրքի»,- գրել է Թրամփը։
Նա հավելել է, որ Չինաստանը «կուտի Կանադային», ամբողջությամբ կկործանի այն՝ ներառյալ այդ երկրի բիզնեսների ոչնչացումը, հասարակական կառուցվածքի փլուզումը և կյանքի ընդհանուր կերպի վերացումը»։
Թրամփի և Կանադայի վարչապետ Մարկ Քարնիի միջև լարվածությունը, ըստ BBC-ի, վերջին օրերին սրվել էր, երբ Քարնին Շվեյցարիայի Դավոս քաղաքում ունեցած ելույթում հանդես էր եկել աշխարհի խոշոր տերություններին քննադատող հայտարարություններով։
Վերջերս նա հանդիպել էր Չինաստանի նախագահ Սի Ծինփինի հետ և հայտարարել, որ երկու երկրները առևտրային համաձայնագիր են կնքել, որը ներառում է նաև էլեկտրական ավտոմեքենաների ոլորտը։
Այդ ժամանակ Թրամփը հնարավոր գործարքը գնահատել էր որպես «լավ բան»։ Դեռևս պարզ չէ՝ արդյոք այդ համաձայնագիրն ուժի մեջ է մտե՞լ, կամ արդյոք Թրամփը դրա մասի՞ն էր խոսում:
