ԱՄՆ պետական պաշտոնյաների մի խումբ հունվարի 16-20-ն Անտարկտիդայում իրականացրել են օտարերկրյա հետազոտական կայանների, կայանքների և սարքավորումների հնգօրյա ստուգում: Պետական դեպարտամենտի գլխավորած խումբն ստուգել է հինգ կայան՝ Ավստրալիայի Դևիս և Լոու, Չինաստանի Օնգոնգշան, Հնդկաստանի Բհարաթի և Ռուսաստանի Պրոգրես:
Պետդեպարտամենտը շեշտել է, որ Միացյալ Նահանգները բարձր է գնահատում Ավստրալիայի և Նոր Զելանդիայի կառավարությունների, ինչպես նաև ստուգվող օբյեկտներում աշխատող բոլոր մասնագետների կողմից ցուցաբերվող նյութատեխնիկական աջակցությունը:
Սա 1963 թվականից ի վեր Անտարկտիկայում Միացյալ Նահանգների կողմից օտարերկրյա հետազոտական կայանների 16-րդ ստուգումն էր:
«Տեսչությունն արտացոլում է վարչակազմի հանձնառությունն Անտարկտիկայի պայմանագրի համակարգին համապատասխանելու հարցում, ներառյալ՝ արգելված ռազմական գործունեության և հանքարդյունաբերության վերաբերյալ դրույթները, ինչպես նաև կայանի անվտանգ շահագործմանը և գիտական հետազոտություններին նպաստող այլ դրույթներ»,- ասված է Պետդեպի հաղորդագրության մեջ:
