Թաիլանդի մարտական ինքնաթիռները կուժեղացնեն Կամբոջայի դիրքերի ռմբակոծումը սահմանամերձ շրջաններում՝ դրանց հրթիռահրետանային հարվածների ակտիվացման լույսի ներքո, ճեպազրույցի ժամանակ հայտարարել է Թաիլանդի թագավորական ռազմաօդային ուժերի պաշտոնական ներկայացուցիչ Ջաքրիտ Տամվիչայը, հաղորդում է Gazeta.ru-ն:
Նրա խոսքով՝ երկրի ռազմաօդային ուժերը կուժեղացնեն ավիահարվածները՝ զարգացող իրավիճակին համապատասխան: Տամվիչայը նշել է, որ գործողություններն իրականացվելու են այնքան ժամանակ, քանի դեռ Կամբոջան չի դադարեցրել քայլերը, որոնք սպառնում են Թաիլանդի ժողովրդի ինքնիշխանությանն ու անվտանգությանը:
Նա նաև ասել է, որ Թաիլանդի ռազմաօդային ուժերը կշարունակեն աջակցել Թաիլանդի բանակի և նավատորմի ցամաքային գործողություններին, որպեսզի կամբոջացի զինվորականներին դուրս մղեն այն դիրքերից, որոնք թույլ են տալիս նրանց սպառնալ թագավորությանը:
Թաիլանդի և Կամբոջայի սահմանային շրջաններում ռազմական գործողությունների էսկալացիան սկսվել էր դեկտեմբերի 6-7-ը և շարունակվում է մինչև օրս:
