Հայ գրոսմայստեր Վլադիմիր Հակոբյանը դարձել է 2026 թվականի ԱՄՆ-ի վետերանների շախմատի չեմպիոն՝ փլեյ-օֆֆում 3։1 հաշվով հաղթելով Ալեքսանդր Օնիշչուկին, հայտնում է ԱՄՆ-ի շախմատի ֆեդերացիայի պաշտոնական կայքը։
Մրցաշարի հիմնական հատվածում Հակոբյանն ու Օնիշչուկը վաստակել էին 6,5-ական միավոր։ Փլեյ-օֆֆի արագ շախմատի երկու պարտիաներից մեկում հաղթել է Հակոբյանը, մյուսում՝ Օնիշչուկը, որից հետո հայ գրոսմայստերը հաղթել է բլիցի երկու պարտիաներում և նվաճել չեմպիոնի տիտղոսը։
Մրցաշարն անցկացվել է հուլիսի 12-25-ը Սենթ Լուիսի շախմատի ակումբում՝ 10-ը շախմատիստի մասնակցությամբ։ Մրցանակային ընդհանուր ֆոնդը կազմել է 100 000 դոլար, Հակոբյանն ստացել է 26 000 դոլար։
Հակոբյանը երկրորդ անգամ է վերջին երեք տարվա ընթացքում դարձել ԱՄՆ-ի վետերանների չեմպիոն։ 2025 թվականի օգոստոսին Հակոբյանը ՖԻԴԵ-ի վարպետ Էդուարդ Հակոբյանի հետ հաղթել էր Աբու Դաբիի միջազգային շախմատային փառատոնի ընտանիքների մրցաշարում։
