Վրաստանի պատրիարքն արգելել է Իլյա վարդապետին հոգևոր ծառայություն իրականացնել եպիսկոպոսին վիրավորելու և եկեղեցու ներկայացուցիչներին զրպարտելու պատճառով, հայտնում են վրացական ԶԼՄ-ները:
«Երրորդության պատրիարքական դափնու հոգևորականին՝ Իլյա վարդապետին, թեմական հանձնաժողովի ներկայացման հիման վրա արգելել քահանայական ծառայության իրավունքից՝ եպիսկոպոսին բանավոր վիրավորելու ու եկեղեցու հիերարխներին զրպարտելու համար, քանի դեռ նա անկեղծ զղջում չի ցուցաբերել»,- ասված է հրամանում, որն ստորագրել է Համայն վրաց կաթողիկոս Պատրիարք Իլյա Երկրորդը:
Իլյա վարդապետը հայտարարել է, որ պատրիարքարանի հասարակայնության հետ կապերի ծառայության ղեկավար Անդրիա Ջագմաիձեն իրեն հրել է պատրիարքական հանձնաժողովի նիստի ժամանակ: Վարդապետը հանձնաժողովի է հրավիրվել այն հայտարարությունից հետո, որ նա վիրավորել է պատրիարքի տեղապահին։
