Երևանում Սիսավան փողոցում տեղի ունեցած վիճաբանության և կրակոցների հետևանքով 4 անձ է տուժել, հայտնում է ՆԳՆ ոստիկանությունը։ Նրանց կյանքին վտանգ չի սպառնում:
Նշվում է, որ մեկ անձ ձերբակալվել է։ Ըստ գերատեսչության՝ ժամը 13։00-ի սահմաններում ահազանգ է ստացվել, որ Երևանի Սիսավան փողոցում քաղաքացիներ են վիճաբանում։
Դեպքի վայր են մեկնել Քրեական ոստիկանության Երևան քաղաքի վարչության և Համայնքային ոստիկանության Մալաթիայի բաժնի օպերատիվ խմբերը։ Պարզվել է, որ Սիսավան փողոցում կենցաղային հարցերի շուրջ վիճաբանություն է տեղի ունեցել, գործի է դրվել նաև հրազեն։
