Հայաստանի թիմն արծաթե մեդալ է նվաճել քիմիայի Մենդելեևյան 59-րդ միջազգային օլիմպիադայում, որն անցկացվել է մայիսի 5-13-ը Բրազիլիայի Բելու-Օրիզոնտի քաղաքում, հայտնում է ԿԳՄՍՆ-ն:
Օլիմպիադային մասնակցել է 40 երկրի 190 ներկայացուցիչ։ Հայաստանի թիմը ներկայացրել են Վանաձորի մաթեմատիկայի և բնագիտական առարկաների խորացված ուսուցմամբ հատուկ դպրոցի 12-րդ դասարանի աշակերտ Արման Խառատյանը և Գյումրու «Ֆոտոն» վարժարանի 12-րդ դասարանի աշակերտ Սևադա Հարությունյանը։ Խառատյանն արժանացել է արծաթե մեդալի:
Նախորդ՝ 58-րդ Մենդելեևյան օլիմպիադայում ՀՀ թիմը նվաճել էր մեկ արծաթե և երկու բրոնզե մեդալներ: Մենդելեևյան միջազգային օլիմպիադաներում Հայաստանի թիմը, ընդհանուր առմամբ, արժանացել է 45 մեդալի (1 ոսկե, 9 արծաթե և 35 բրոնզե):
