Ինչո՞ւ Բաքուն ՀՀ-ի հետ պայմանագիր չի ստորագրի, և ինչպե՞ս Թուրքիան իր «պլան-մինիմումը» կատարեց. Բալասանյանը՝ տարածաշրջանային զարգացումների մասին

Միջազգայնագետ Գրիգոր Բալասանյանն Armenia Today-ի հետ հետ հարցազրույցում գնահատել է Երևանի և Բաքվի միջև խաղաղության պայմանագրի հեռանկարները, հայ-թուրքական հարաբերությունների զարգացման հնարավորությունները, ինչպես նաև միջազգային իրավիճակի ազդեցությունը Հարավային Կովկասի վրա։

Փորձագետը կարծում է, որ Հայաստանի ու Ադրբեջանի միջև համաձայնագիր չի ստորագրվելու: Նրա խոսքով՝ Բաքվին դա հարկավոր չէ, իսկ այդ երկրի նախագահ Իլհամ Ալիևին պատճառ է պետք համաձայնեցված տեքստը չստորագրելու համար: Երևանի ու Բաքվի միջև գործընթացում այժմ «ստատիկ վիճակ է»:

Բալասանյանը նշել է, որ Թուրքիան էլ, իր հերթին, ՀՀ-ի հետ գործընթացում իր շահերի վրա հիմնված «պլան-մինիմումն» է կատարել. Հայոց ցեղասպանության իրողության միջազգային ճանաչումն այլևս պաշտոնական Երևանի արտաքին քաղաքականության առաջնահերթություններից չէ, իսկ Արարատ լեռն էլ Հայաստանի կառավարության համար խորհրդանիշ չէ:

Միջազգայնագետը հայտարարել է, որ Պակիստանը դրվել է աշխարհաքաղաքական նոր համակարգի ձևավորման զոհասեղանին, իսկ Հնդկաստան-Պակիստան հակամարտության թիրախը նաև Չինաստանն է:

Բալասանյանը մեկնաբանել է նաև Հարավային Կովկասի ուղղությամբ Ռուսաստանի քաղաքականության համակարգումը Կիրիենկոյին վստահելու նպատակը:

Փորձագետը նշել է, որ ՌԴ-ն Հարավային Կովկասի տարածաշրջանում այսուհետ կգործակցի ոչ թե էլիտաների, այլ ժողովուրդների հետ:

Մանրամասն՝ տեսանյութում