Իրանի արտաքին գործերի նախարարությունն իր բողոքն է հայտնել Բաքվին՝ «ադրբեջանական որոշ շրջանակների կողմից իրանցի ուսանողների նկատմամբ անբարո գործողություններ կատարելու առնչությամբ», գրել է IRNA-ն։
Իրանում Ադրբեջանի դեսպան Ալի Ալիզադեին ԻՀՀ ԱԳՆ են կանչել, որտեղ Իրանի ԱԳՆ Եվրասիական հարցերով բաժնի ղեկավար Մուջթաբ Դեմիրչիլուն քննադատել է Ադրբեջանի որոշ շրջանակների կամ անձնավորությունների վարքագիծը։
Դեմիրչիլուն նշել է, որ այդ դեպքերը վնասում են երկու ժողովուրդների հարաբերություններին։ ԱԳՆ պաշտոնյան հայտարարել է, որ Թեհրանը դեմ է այդ վարքագծին՝ կոչ անելով քայլեր ձեռնարկել նման բացասական գործողությունների նախաձեռնողների և հեղինակների դեմ։
Նա նաև ընդգծել է վճռական լինել ցանկացած անհարգալից և պառակտող գործողությունների դեմ։
