Իսրայելի պաշտպանության բանակը Գազա քաղաքը հայտարարել է վտանգավոր մարտական գոտի և դադարեցրել է տեղական մարտավարական հրադադարը, հայտնել է Իսրայելի պաշտպանության բանակի մամուլի խոսնակի գրասենյակը, գրում է «ՌԻԱ Նովոստին»:
«Իրավիճակի գնահատման և քաղաքական ղեկավարության հրահանգների համաձայն՝ այսօր՝ ժամը 10:00-ից սկսած, տեղական մարտավարական հրադադարը չի տարածվի Գազա քաղաքի տարածքի վրա, որը վտանգավոր մարտական գոտի է»,- ասվում է հայտարարության մեջ։
Իսրայելի պաշտպանության բանակը հայտարարել է, թե կշարունակի աջակցել մարդասիրական ջանքերին՝ միաժամանակ «հարձակում իրականացնելով ահաբեկչական կազմակերպությունների դեմ՝ հրեական պետության քաղաքացիներին պաշտպանելու համար»։
Մեկ ամիս առաջ, Իսրայելի վրա միջազգային ճնշման աճի ազդեցության տակ և Թել Ավիվի կողմից անկլավում սովի մեղադրանքների պատճառով, երկրի ղեկավարությունը հայտարարել էր Գազա քաղաքում, կենտրոնական ճամբարներում և Ալ-Մավասի տարածքում ամենօրյա տասժամյա հրադադարի մասին։
Ավելի վաղ ՄԱԿ-ն Իսրայելին կոչ էր արել միջոցներ ձեռնարկել Գազայում սովը վերացնելու համար։ ԶԼՄ-ները հայտնել էին, որ Իսրայելի վարչապետ Բենիամին Նեթանյահուն բանակցություններ է վարում պաղեստինցիներին Գազայից Հարավային Սուդան վերաբնակեցման հնարավորության շուրջ:
