«Բիթլզ» խմբի հիմնադիր Ջոն Լենոնը ծնվել է 1940թ.հոկտեմբերի 9-ին:
Բրիտանացի ռոք-երաժիշտ, երգիչ, բանաստեղծ, երգահան, նկարիչ և գրող Ջոն Լենոնը հեղինակել է մի շարք ալբոմներ, որոնցից աչքի են ընկնում Wedding Album, Imagine, The John Lennon Collection, Milk and Honey տարբերակները:
Բացի երաժշտական գործունեությունից՝ Լենոնը նաև հայտնի քաղաքական ակտիվիստ էր:
Իր հայացքների արտահայտման լավագույն տարբերակը երգերն ու հրապարակային ելույթներն էին:
Լենոնն ուներ գաղափարական կողմնորոշում դեպի հավասարություն, խաղաղություն, ազատություն:
Ջոն Լենոնը սպանվել է 1980թ. դեկտեմբերի 8-ին՝ վերջին հարցազրույցից տուն գնալուց՝ թիկունքին ստանալով 5 կրակոց, որոնցից 4-ը հասնում են նպատակին:
1984թ. թողարկվում է Ջոն Լենոնի «Milk and Honey» ալբոմը հետմահու:
