ՆԱՏՕ-ն մնում է պատմության մեջ ամենահաջողված կազմակերպությունը: Նման հայտարարությամբ է նոյեմբերի 27-ին հանդես եկել ԱՄՆ Պետդեպարտամենտի ներկայացուցիչը հատուկ ճեպազրույցի ժամանակ:
«ԱՄՆ-ն գլխավոր դեր է խաղացել ՆԱՏՕ-ի ստեղծման գործում…ՆԱՏՕ-ն մնում է պատմության մեջ ամենահաջողված կազմակերպությունը: Այն միջազգային խաղաղության և անվտանգության ամրոց է արդեն 70 տարի»,-ասել է Պետդեպարտամենտի ներկայացուցիչը` միաժամանակ ուշադրությունը հրավիրելով ԱՄՆ-ի դժգոհության վրա` կապված այն հարցի հետ, որ ոչ բոլոր անդամներն են ավելացրել ռազմական ծախսերը մինչև ՀՆԱ-ի 2%:
