Լիբիայի Ռազմածովային ուժերը երկրի արևելքում կալանել են Գրենադայի դրոշով նավարկող քաղաքացիական նավ, որի անձնակազմի անդամները Թուրքիայի քաղաքացիներ են: Այս մասին հայտնում է «Ռիա Նովոստի»-ն՝ հղում անելով Լիբիայի ազգային բանակի հայտարարությանը։
Նավը հասցվել է Ռաս ալ Հիլյալ նավահանգիստ, որտեղ ստուգելու են այդտեղ հայտնաբերված բեռը, ինչպես նաև իրականացնելու են նման իրավիճակներում նախատեսված գործընթացներ:
Ավելի վաղ Լիբիայի ազգային համաձայնության (ԱԱԽ) կառավարությունը հայտարարել էր, որ օգնություն է պահանջելու իր թուրք դաշնակիցներից՝ կախված իրադրության զարգացումից։ Ընդ որում, Անկարան չի բացառում իր զինվորականներին Լիբիա ուղարկելը՝ դաշնակիցներին աջակցելու համար։
