Ղազախստանի նախագահ Կասիմ-Ժոմարտ Տոկաևը հայտարարել է, որ հայ-ադրբեջանական հակամարտության պատճառներն ավելի հասկանալի էին, քան Ռուսաստանի և Ուկրաինայի միջև հակամարտության պատճառները՝ նշելով, որ Հայաստանի և Ադրբեջանի դիմակայության արմատները գնում են դեպի պատմություն։
Այս մասին նա հայտարարել է Օմսկում Ռուսաստանի նախագահ Վլադիմիր Պուտինի հետ հանդիպմանը, հայտնել է Կրեմլի մամուլի ծառայությունը։
Տոկաևի խոսքով՝ Ռուսաստանի և Ուկրաինայի հակամարտությունն միջպետական բնույթ է կրում, սակայն դրա պատճառները Ղազախստանի համար մինչև վերջ հասկանալի չեն։ Միևնույն ժամանակ, հայ-ադրբեջանական հակամարտության պատճառները, այդ թվում՝ դրա սառեցված փուլում, Ղազախստանի նախագահի գնահատմամբ, ավելի ակնհայտ էին։
Տոկաևն առաջարկել է դիտարկել ռուս-ուկրաինական հակամարտության սառեցման և խոշոր տերությունների երաշխիքների ներքո «Ստամբուլյան բանաձև 2.0»-ին վերադառնալու հնարավորությունը։ Միևնույն ժամանակ, նա հրաժարվել է միջնորդ հանդես գալ Մոսկվայի և Կիևի միջև։
Ի պատասխան՝ Պուտինը հայտարարել է, որ Տոկաևին մանրամասն տեղեկատվություն կտրամադրի ուկրաինական ուղղությամբ տիրող իրավիճակի մասին։
