Վենեսուելայի ընդդիմության առաջնորդ Մարիա Մաչադոն Խաղաղության Նոբելյան իր մրցանակը փոխանցել է ԱՄՆ նախագահ Դոնալդ Թրամփին, հայտնել է Թրամփը սոցիալական ցանցում:
Նա շնորհակալություն է հայտնել Մաչադոյին պարգևի համար: Սպիտակ տան ներկայացուցիչն էլ, իր հերթին, նշել է, որ նախագահը մտադիր է պահել մեդալը: Նոբելյան ինստիտուտը հայտարարել է, որ մրցանակը չի կարող փոխանցվել կամ չեղարկվել:
Թրամփը նախկինում մի քանի անգամ հայտարարել էր, որ արժանի է Նոբելյան խաղաղության մրցանակի՝ իր կարգավորած յուրաքանչյուր հակամարտության համար, քանի որ, ըստ նրա, ութ տարածաշրջանային պատերազմներ և հակամարտություններ ավարտվել են իր անմիջական մասնակցությամբ։
Հունվարի սկզբին Մաչադոն մրցանակը հանձնելու պատրաստակամության մասին էր հայտարարել: Միևնույն ժամանակ, Թրամփը նախկինում քննադատաբար էր արտահայտվել Մաչադոյի առաջնորդության որակներին։
