Երգչուհի և դերասանուհի Շերը (Շերլին Սարգսյան) և ռեալիթի-շոուների հեռուստաաստղ Քիմ Քարդաշյանը հայտարարել են Էջմիածնի Մայր տաճարի և Խոր Վիրապ եկեղեցական համալիրի պահպանման և վերականգնման համար դրամահավաքին մասնակցելու մասին։ Այս մասին աստղերը հայտնել են իրենց Instagram-ում։
Դրամահավաքը հայտարարվել է որպես հայազգի դիզայներ, բարերար և գործարար, Alex & Ani ոսկերչական ընկերության հիմնադիր Քերոլին Ռաֆայելյանի նոր Metal Alchemist ապրանքանիշը, ում հետ Շերը հայտարարել է ակցիայի մասին սոցցանցում, հայտնում է The Boston Globe-ը։
Զարդերի շարքը, որը կոչվում է «Ալքիմիա Հայաստանի համար», բաղկացած է մետաղյա ապարանջաններից, որոնց վրա փորագրված է «Հայր մեր»։
Շերը, ի պատասխան The Globe-ի հարցին, նշել է, որ Էջմիածնի Մայր տաճարի և Խոր Վիրապի պահպանումն ու վերականգնումը «կպահպանի Հայաստանի հարուստ հավատքը, պատմությունը և մշակույթը»։
«Կարևոր է, որ ապագա սերունդները կարողանան այցելել և գնահատել այս պատմական եկեղեցին: Իմ հայկական արմատները իմ կամքի ահռելի մասն են, և ես շատ ուրախ եմ, որ մասնակցել եմ նման արժեքավոր գործին»,- ընդգծել է երգչուհին։
Քարդաշյանն իր հերթին․ Instagram-ի, իր պատմություններում խոսել է Metal Alchemist նոր շարքի մասին։ «Ես միշտ ուղիներ եմ փնտրում աջակցելու Հայաստանին և աշխարհի ամենասուրբ, հնագույն վայրերին»,- ասել է նա Instagram-ում տեսագրված տեսանյութում… Աշխարհի ամենահին տաճարը Հայաստանում է, որտեղ ես մկրտել եմ իմ երեխաներին։
Նա պատմել է, որ Metal Alchemist-ը իրեն մի քանի ապրանք է ուղարկել, և որ նա խոսել է ընկերության «ամբողջ թիմի» հետ: «Ես այնքան հպարտ եմ նրանցով»,- ասել է Քարդաշյանը։
Այս նախաձեռնությանը մասնակցում է նաև հայազգի ամերիկացի պրոդյուսեր և ձեռնարկատեր Էրիկ Էսրայելյանը։
«Ինձ համար հատկապես կարևոր է իմ հավատքը, և հայերը դարեր շարունակ ապավինել են Հայ առաքելական եկեղեցուն: Հասարակությանը վերադարձնելը միշտ առաջնահերթություն է եղել ինձ համար, և ես անչափ երախտապարտ եմ, որ միացա իմ սիրելի ընկերներ Քերոլայնին և Շերին այս սուրբ վայրերը պաշտպանելու իրենց ջանքերում», - ասաց Էսրայելյանը:
Քերոլին Ռաֆայելյանը պաշտոնապես ներկայացրել է Metal Alchemist-ը նոյեմբերի 4-ին: Նրա խոսքով՝ ապարանջանների վաճառքից ստացված հասույթի 100%-ը կտրամադրվի Հայ առաքելական եկեղեցուն Էջմիածնի և Խոր Վիրապի վանական-եկեղեցական համալիրի վերականգնման և պահպանման համար։ Կախված մետաղից՝ ապարանջանների արժեքը տատանվում է 28-ից մինչև 128 դոլար յուրաքանչյուրը։
Քերոլին Ռաֆայելյանը ծնվել է Ռոդ Այլենդ նահանգի Քրենսթոն քաղաքում 1966թ.։ Նրա պապը Ամերիկա է տեղափոխվել 1913 թվականին։ «Մեր կյանքում կան պահեր, որոնք մեզ այնքան խորը կապում են մեզանից շատ ավելի մեծ բանի հետ: Սա այն պահերից մեկն է, որ ես դառնամ երկրի վրա երկու ամենասուրբ վայրերի վերականգնման և պահպանման մի մասը»,- ասել է Ռաֆայելյանը:
