Հայաստանը և Meta ընկերությունը (Facebook, Instagram, WhatsApp) թվային քաղաքականության ոլորտում կխորացնեն համագործակցությունը, հայտարարել է ՀՀ բարձր տեխնոլոգիական արդյունաբերության նախարար Մխիթար Հայրապետյանը։
Ընկերության ներկայացուցիչների հետ հանդիպման ժամանակ կողմերը սահմանել են գործնական քայլեր՝ առցանց հարթակներում դիմադրողականությունն ու վստահությունը բարձրացնելու համար։
Հատուկ ուշադրություն է դարձվել արհեստական բանականության (ԱԲ) տեխնոլոգիաների կիրառմանը տնտեսության զարգացման նպատակով՝ տեղական նորարարության և բիզնեսի խթանման հնարավորությունների դիտարկմամբ։
Նախարարը և Meta-ի ներկայացուցիչները քննարկել են նաև առցանց միջավայրում երեխաների անվտանգությունը՝ ընդգծելով նրանց և ծնողների թվային գրագիտության բարձրացմանն ուղղված համատեղ ջանքերի անհրաժեշտությունը:
Երևանը վերահաստատել է հանձնառությունը՝ համաշխարհային տեխնոլոգիական առաջատարների հետ կառուցողական փոխգործակցությունը խորացնելու տեսանկյունից՝ ընդգծելով նման համագործակցությունների կարևորությունը երկրի համապարփակ թվային վերափոխման ռազմավարության շրջանակում:
