«Ուժեղ Հայաստան» կուսակցությունը հրապարակել է այն թեկնածուների անունները, որոնցով կներկայանա առաջիկա խորհրդարանական ընտրություններին։ Ընտրացուցակը հաստատվել է ապրիլի 8-ին կայացած համագումարի ժամանակ։
Հաստատված 36 անձից բաղկացած ցուցակը գլխավորում է կուսակցության խորհրդի անդամ Նարեկ Կարապետյանը։ Առաջին հնգյակում են փաստաբան Արամ Վարդևանյանը, սահմանադրականության հարցերով փորձագետ Գոհար Մելոյանը, ՀԷՑ-ի տնօրենի նախկին պաշտոնակատար Դավիթ Ղազինյանը և փաստաբան Ռուբեն Մխիթարյանը։
Ցուցակի մյուս ներկայացուցիչներն են հետևյալ թեկնածուները՝
6. Արեգա Հովսեփյան
7. Մամիկոն Ասլանյան
8. Հայկ Ֆարմանյան
9. Մարիաննա Ղահրամանյան
10. Հայկ Սուքիասյան
11. Աշոտ Ֆարսյան
12. Իրինա Յոլյան
13. Էդգար Ղազարյան
14. Տիգրան Աբրահամյան
15. Լենա Մաթևոսյան
16. Ռոբերտ Կադարյան
17. Գրիշա Թամրազյան
18. Լիլիա Շուշանյան
19. Անդրանիկ Գևորգյան
20. Գառնիկ Դավթյան
21. Լիանա Գասպարյան
22. Արթուր Դանիելյան
23. Վաղինակ Վարդանով
24. Լիանա Մանուկյան
25. Ավետիս Առաքելյան
26. Հարություն Մնացականյան
27. Լիլիթ Ղարաջյան
28. Վրույր Այվազյան
29. Շիրազ Մանուկյան
30. Անուշ Միրզոյան
31. Լևոն Նալբանդյան
32. Արկադի Թամազյան
33. Հասմիկ Ենգոյան
34. Ալեքսանդր Սարգսյան
35. Մհեր Աղամյան
36. Գոհար Օսիպյան
Կուսակցության տարածած տեղեկատվության համաձայն՝ համագումարը միաձայն որոշում է կայացրել առաջիկա ընտրություններին մասնակցել դաշինքի ձևաչափով։
Կուսակցության վարչապետի թեկնածուն Սամվել Կարապետյանն է, իսկ թեկնածուների ամբողջական ցանկը կներկայացվի ապրիլի 11-ին՝ Երևանի «Ազատության» հրապարակում կայանալիք հանրահավաքի ժամանակ։
Նշենք, որ այս գործընթացներն ընթանում են Ընտրական օրենսգրքում Աժ հրատապ նիստով ընդունված նոր փոփոխությունների ֆոնին, որոնցով արգելվում է դաշինքների անվանումներում անձնանուններ օգտագործել։ «Ուժեղ Հայաստանը», որը մտադիր էր ընտրություններին մասնակցել «Ուժեղ Հայաստան Սամվել Կարապետյանի հետ» դաշինքով, նախագիծը որակել էր որպես իշխանությունների փորձ՝ խոչընդոտելու իրենց նախընտրական քարոզարշավը։
ԱԺ արտահերթ նիստին զուգահեռ՝ «Ուժեղ Հայաստանն» ակցիա էր իրականացրել խորհրդարանի դիմաց՝ իր բողոքը հայտնելով նախագծի դեմ։
Կուսակցությունում ավելի վաղ հայտարարել էին, որ վարչապետ Նիկոլ Փաշինյանն ու իր թիմը պատրաստվում են այս նախագծի միջոցով «գողանալ» առաջիկա ընտրությունները։
Հունիսի 7-ին կայանալիք խորհրդարանական ընտրություններին մասնակցելու հայտ են ներկայացրել մեկ տասնյակից ավելի քաղաքական ուժեր։ Կարապետյանի «Ուժեղ Հայաստան» կուսակցությունը, «Քաղաքացիական պայմանագիր» կուսակցությունը, «Միասնության թևեր» նախաձեռնությունը, Հայ ազգային կոնգրեսը (ՀԱԿ) և այլ քաղաքական ուժեր հայտարարել էին ընտրություններին մասնակցելու մտադրության մասին:
