Հայաստանում Ֆրանսիայի դեսպանատունը հաստատել է լուրերը Ֆրանսիայի ազգային տոնի կապակցությամբ հուլիսի 14-ին կազմակերպված ընդունելությունից հետո սննդային թունավորման դեպքերի վերաբերյալ, ասված է դիվանագիտական ներկայացուցչության հայտարարության մեջ։ Այս կապակցությամբ դիվանագիտական առաքելությունը դիմել է ՀՀ առողջապահության նախարարությանը։
Ավելի վաղ լրատվամիջոցները հայտնել էին, որ հուլիսի 14-ին կայացած միջոցառումից հետո հյուրերի մեծ մասը դիմել է բժշկական օգնության, իսկ ոմանց մոտ ախտորոշվել է աղիքային վարակ։
Դեսպանատնից հայտնել են, որ միջոցառման որոշ հյուրեր հայտնել են սննդային թունավորման նմանվող ախտանիշների մասին։ Դեսպանությունը հայցել է հյուրերի ներողամտությունը պատճառված անհարմարության համար և հույս հայտնել, որ նշված ախտանիշների պատճառները կբացահայտվեն։
Դիվանագիտական ներկայացուցչությունը նաև կոչ է արել ընդունելության այն մասնակիցներին, ովքեր ունեն նմանատիպ ախտանիշներ, կապ հաստատել իրենց հետ [email protected] էլեկտրոնային հասցեով։
ՀՀ վարչապետ Նիկոլ Փաշինյանը հուլիսի 14-ին շնորհավորել էր Ֆրանսիայի նախագահ Էմանուել Մակրոնին Ֆրանսիայի ազգային տոնի առթիվ և շնորհակալություն հայտնել Փարիզին՝ Հայաստանի և Եվրոպական միության գործընկերության խորացմանն աջակցելու համար։
Նույն օրը ՀՀ փոխվարչապետ Մհեր Գրիգորյանը մասնակցել էր Ֆրանսիայի ազգային տոնի կապակցությամբ Ֆրանսիայի դեսպանությունում կազմակերպված ընդունելությանը և հայտարարել է, որ Ֆրանսիան մշտապես հանդիսացել է Հայաստանի բարեկամը։
