Արագածոտնի մարզում զանգվածային ծեծկռտուք և դանակահարություն է տեղի ունեցել, ինչի հետևանքով երեք մարդ վիրավորվել է, հայտնել է Shamshyan.com-ը։
Ըստ կայքի՝ դեպքը տեղի է ունեցել օգոստոսի 22-ին՝ ժամը 19:40-ի սահմաններում Ռյա Թազա և Շենկանի գյուղերի միջև ընկած ճանապարհին։ Նախնական տվյալներով՝ կենցաղային հողի վրա ծագած վեճը վերածվել է ծեծկռտուքի, որի ընթացքում քաղաքացիները դանակի վնասվածքներ են հասցրել միմյանց։
Ապարանի բժշկական կենտրոն են տեղափոխվել երկու դանակահարված մարդ՝ Վրաստանի 23-ամյա քաղաքացի Նիկոլո Ա.-ն և մարզի 33-ամյա բնակիչ Ջիվան Ա.-ն։ Որոշ ժամանակ անց Ծաղկահովիտի բժշկական կենտրոն է տեղափոխվել նաև վիճաբանությանը մասնակցած և մարմնական վնասվածքներ ստացած 18-ամյա Օմար Հ.-ն։
Հանցագործության զենք դանակը դեռ չի հայտնաբերվել։
