Իրանի իշխանություններն ամպերի մեջ քիմիական նյութեր են ցողել՝ անձրև առաջացնելու նպատակով՝ փորձելով հաղթահարել երկրում տասնամյակների մեջ ամենածանր երաշտը, հայտնում է BBC-ն:
«Ամպերի սերմավորում» կոչվող այս գործընթացը կիրակի օրն իրականացվել է Ուրմիա լճի ավազանում, հաղորդել են Իրանի պետական գործակալությունները:
Ուրմիան Իրանի ամենամեծ լիճն է, սակայն այն մեծամասամբ չորացել է: Նշվում է, որ առաջիկայում նման գործողություններ կիրականացվեն նաև Արևելյան և Արևմտյան Ադրբեջանում։
Երկրում տեղումները ռեկորդային ցածր աստճանի են, իսկ ջրամբարները՝ գրեթե դատարկ։ Իրանի նախագահ Մասուդ Փեզեշքիանն զգուշացրել է, որ եթե շուտով տեղումներ չլինեն, Թեհրանում կարող է սկսվել ջրի բաժանման սահմանափակում, և մայրաքաղաքից մարդկանց տեղահանումներ կարող են իրականացվել։
Իրանի օդերևութաբանական կազմակերպության տվյալներով՝ տեղումներն այս տարի նվազել են շուրջ 89%-ով: Հարյուրավոր մարդիկ այս օրերին հավաքվում են Թեհրանի մզկիթում՝ անձրևի համար աղոթելու։
