Սիրիայի ափամերձ շրջաններում անտառային հրդեհները, որոնք արդեն իսկ ընդգրկել են ավելի քան 14 հազար հեկտար տարածք, մոտեցել են Լաթաքիայի հայ բնակչություն ունեցող բնակավայրերին։
Կաստալ-Մաաֆի տարածքում և Ալ-Ֆրունլոքի արգելոցում մոլեգնում են տարերքները։ Այնտեղ արդեն ուղարկվել են կամավորներ և փրկարարներ երկրի տարբեր նահանգներից։ Դեպքի վայրում աշխատում են նաև Սիրիայից, Թուրքիայից, Լիբանանից և Հորդանանից ավիացիոն խմբեր։
Իրավիճակը բարդանում է ոչ միայն շոգի և քամու, այլև պատերազմի ժամանակ տեղադրված չպայթած ականների պատճառով։
Սա Սիրիայում ռեժիմի փոփոխությունից ի վեր առաջին խոշորածավալ բնական աղետն է և փորձություն՝ նոր կառավարության համար։
