Մայիսի 11-ին Երևանում և մարզերում քամին ծառեր է տապալել, վնասել տանիքի թիթեղներ, հայտնել են ՆԳՆ փրկարար ծառայությունից։
Վնասների մասին ահազանգերը ծառայությունն ստացել է մայրաքաղաքից, ինչպես նաև Վանաձորից, Իջևանից, Արագածոտնի մարզի Ջամշլու գյուղից։
Դեպքերի վայրեր են մեկնել ՆԳՆ ՓԾ Երևան քաղաքի, մարզային փրկարարական վարչությունների հրշեջ-փրկարարական ջոկատներից մարտական հաշվարկներ, փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական և Ճգնաժամային կառավարման ազգային կենտրոնի օպերատիվ խմբերը։
«Բոլոր ահազանգերին փրկարարներն արձագանքում են՝ ցուցաբերելով համապատասխան օգնություն»,- հավելել են ծառայությունից։
