Իտալական «Ինտերի» կիսապաշտպան, Հայաստանի ֆուտբոլի ազգային հավաքականի նախկին ավագ Հենրիխ Մխիթարյանը խոսել է ՈւԵՖԱ-ի Չեմպիոնների լիգայի խաղարկության կիսաեզրափակիչ փուլի առաջին խաղի մասին, որում իր թիմը ոչ-ոքի էր խաղացել «Բարսելոնայի» հետ։
«Դա խենթ խաղ էր։ Այն դիտելը հիանալի էր, բայց խաղալը շատ դժվար էր: Արեցինք այն ամենը, ինչ կարող էինք։ Կարծում եմ՝ կարող էինք ավելի լավ խաղալ։ Մենք երկար ժամանակ առաջատարն էինք և կարծում էինք, որ արդեն հաղթել ենք։ «Բարսելոնան» մեծ ճնշում էր գործադրում մեզ վրա։ Նրանք շատ լավ էին տիրապետում գնդակին»,- ասել է Մխիթարյանը։
Խաղը, որն ավարտվել է 3։3 հաշվով, կայացել է Կատալոնիայում։ Մխիթարյանը խաղադաշտում անցկացրել է 90 րոպե։ Պատասխան կիսաեզրափակիչը կկայանա Միլանում՝ մայիսի 6-ին։
