Նոր Նորք վարչական շրջանի ղեկավարի աշխատակազմում տեղի ունեցած դեպքի առթիվ քրեական վարույթի շրջանակներում հանրային քրեական հետապնդում է հարուցվել 4 անձի նկատմամբ՝ Քրեական օրենսգրքի 195-րդ հոդվածի 2-րդ 5-րդ կետով (մի խումբ անձանց կողմից ֆիզիկական ներգործությունը), հայտնել է Քննչական կոմիտեի խոսնակ Կիմա Ավդալյանը:
Ակտիվիստ Արթուր Չախոյանին ևս մեղադրանք է առաջադրվել, տեղեկացրել է ինքը՝ Չախոյանը:
Ապրիլի 30-ին Նոր Նորքի թաղապետարանում ծեծկռտուք և վեճ էր տեղի ունեցել։ Նոր Նորք վարչական շրջանի ղեկավար Տիգրան Տեր-Մարգարյանը և մի քանի այլ անձ, որոնք, ենթադրաբար, թաղապետարանի աշխատակիցներն են, ըստ ԶԼՄ-ներում առկա տեսանյութերի, հայհոյել ու հարվածել էին Չախոյանին, որին ավելի ուշ ոստիկանության Նոր Նորքի բաժանմունքից տեղափոխել էին «Սուրբ Գրիգոր Լուսավորիչ» ԲԿ: ԲԿ-ից հայտնել էին, որ Չախոյանն ունի աչքի շրջանում փոքր գեմատոմա, փոքր սալջարդեր, «անհանգստացնող գլխի վնասվածք»։ ՆԳՆ-ից Armenia Today-ին տեղեկացրել էին, որ միջադեպի առնչությամբ 6 ձերբակալված կա։ Ավելի ուշ ՔԿ-ն հայտնել էր, որ դեպքի առթիվ քրեական վարույթ է նախաձեռնվել։
Ապրիլի 30-ի երեկոյան փաստաբանը տեղեկացրել էր, որ ակտիվիստն ազատ է արձակվել ձերբակալումից և կշարունակի մնալ հոսպիտալացված:
