81 կգ քաշային հայ ծանրորդ Ռաֆիկ Հարությունյանը Բուլղարիայի մայրաքաղաք Սոֆիայում ընթացող Եվրոպայի առաջնությունում բրոնզե մեդալակիր է դարձել երկամարտի 336 կգ (154+182) արդյունքով, հայտնում է ՀՀ կրթության, գիտության, մշակույթի և սպորտի նախարարությունը:
Պոկում վարժության արդյունքներով Ռաֆիկ Հարությունյանը փոքր բրոնզե մեդալ է նվաճել՝ երկու հաջող մոտեցումներից հետո գլխավերևում պահելով 154 կգ կշռող ծանրաձողը:
Հայաստանը երկու ոսկե մեդալ էր նվաճել ԵԱ-ի երկամարտում։ Եվրոպայի չեմպիոնի կոչմանն արժանացել էին Ալեքսանդրա Գրիգորյանը (55 կգ) և Գոռ Սահակյանը (67 կգ)։
