Արցախից տեղահանված 14 064 անձ ստացել է ՀՀ քաղաքացիություն, Ազգային ժողովում հայտնել է ՆԳ նախարար Արփինե Սարգսյանը:
«Հոկտեմբերի 30-ի դրությամբ՝ քաղաքացիություն ստանալու համար դիմում է ներկայացրել 21 916 տեղահանված անձ, նույն օրվա դրությամբ՝ նախագահի հրամանագրով արդեն 14 064 անձի շնորհվել է ՀՀ քաղաքացիություն, և անձնագրավորման գրավորման միջոցով քաղաքացիությունը ձեռք է բերել նաև 7191 անչափահաս»,- նշել է նախարարը։
Սարգսյանը հավելել է, որ 7852 գործ այժմ գտնվում է ընթացքավորման փուլում։
2023 թվականի սեպտեմբերի 19-ին Ադրբեջանը հարձակվել էր Արցախի վրա։ Ռազմական գործողությունների ավարտից հետո Արցախի ամբողջ բնակչությունը բռնի տեղահանվել էր։ Արցախից բռնի տեղահանված 100 632 քաղաքացի էր հասել ՀՀ։
Հուլիսի 1-ի դրությամբ՝ ԼՂ-ից բռնի տեղահանված 9346 անձի ՀՀ քաղաքացիություն է շնորհվել:
Կարդացեք նաև՝
«Մեկ տարի առանց Արցախի». 2023թ․ ադրբեջանական հարձակման և բնիկ հայերի տեղահանության ժամանակագրություն
Բարձր հարկեր և աջակցության բացակայություն. ի՞նչ դժվարություններ ունի արցախյան բիզնեսը Հայաստանում
