Սեպտեմբերի 2-ին՝ Արցախի Հանրապետության անկախության հռչակման օրը, Երևանում հանրահավաք կկազմակերպվի, հայտարարել է ՀՅԴ կուսակցությունը։
Հավաքը տեղի կունենա ժամը 18:30-ին՝ «Ազատության» հրապարակում։ Նշվում է, որ հավաքի ընթացքում կհայտարարվի, որ Արցախյան հակամարտությունը լուծված չէ, որ ընդունելի չեն ուժի կիրառմամբ և ուժ կիրառելու սպառնալիքով ստորագրված պայմանավորվածությունները։ Հանրահավաքի մասնակիցները նաև կպահանջեն Բաքվում պահվող հայ գերնիների վերադարձ։
«Արցախի էջը փակված չէ, մեր ժողովուրդն ունի իրավունքներ, որոնց համար պայքարը ոչ թե վտանգում է Հայաստանի Հանրապետությանը, այլ պաշտպանում է այն»,- ասվում է հայտարարության մեջ։
2023 թվականի սեպտեմբերի 19-ին Ադրբեջանը հարձակվել էր Արցախի վրա։ Ռազմական գործողությունների ավարտից հետո Արցախի ամբողջ բնակչությունը բռնի տեղահանվել էր։ Արցախից բռնի տեղահանված 100,632 քաղաքացի էր հասել ՀՀ։
Կարդացեք նաև՝
«Մեկ տարի առանց Արցախի». 2023թ․ ադրբեջանական հարձակման և բնիկ հայերի տեղահանության ժամանակագրություն
Բարձր հարկեր և աջակցության բացակայություն. ի՞նչ դժվարություններ ունի արցախյան բիզնեսը Հայաստանում
