Սպանությունից 5 ամիս անց Երևանի Նուբարաշենի գերեզմանատանը հուղարկավորվել է 2025 թվականի հոկտեմբերին Երևանում կյանքից զրկված 23-ամյա Այշաթ Բայմուրադովան, հայտնում է СК SOS ճգնաժամային խումբը:
Բայմուրադովան Հայաստան էր փախել Չեչնիայից: Աղջկա մարմինը դիահերձարանում մնացել էր ավելի քան հինգ ամիս, քանի որ հարազատները, ըստ ճգնաժամային խմբի տվյալների, հրաժարվել էին վերցնել այն: Հուղարկավորությունը կազմակերպել են հայկական քննչական մարմինները:
Ըստ СК SOS-ի՝ ցանկացողները հավաքվել են դիահերձարանի մոտ: Вот так հրատարակության տվյալներով՝ հուղարկավորությունն իրականացվել է՝ որպես չպահանջված: Սակայն Свобода (не) за горами Տելեգրամ-ալիքը, վկայակոչելով իր աղբյուրը, պնդում է, որ շիրիմը գտնվում է գերեզմանատան նոր հատվածում և չի պատկանում չպահանջված մարմինների համար նախատեսված տարածքին:
Իրավապաշտպաններն ավելի վաղ հայտնել էին, որ Բայմուրադովան ընտանեկան բռնության պատճառով 2024թ․ սկզբին դիմել էր օգնության, հետագայում տեղափոխվել էր Հայաստան: 2025թ․ հոկտեմբերին նա սպանված էր հայտնաբերվել Երևանում գտնվող բնակարանում: ՀՀ իշխանությունները 2026թ․ փետրվարին սպանության կասկածանքով Ռուսաստանի քաղաքացիներ Կարինա Իմինովայի և Սաիդ-Խամզաթ Բայսարովի նկատմամբ հետախուզում էին հայտարարել։
