Արդեն որոշե՞լ եք, թե ինչպես եք զարմացնելու Հրե կարմիր ձիուն։ Եթե ոչ, ապա այս բաղադրատոմսերը հենց ձեզ համար են։ Նա հիացած կլինի ցանկացած բանջարեղենով ու կանաչեղենով, ուստի Ամանորի աղցանները պետք է ներառեն դրանք: Armenia Today-ը հավաքել է ամենաախորժելի տարբերակները՝ սննդարարից մինչև թեթև ու դիետիկ։
«Ձյունե թագուհի»
Առանձնացնել հավկիթի սպիտակուցներն ու դեղնուցները և առանձին քերիչով անցկացնել։ Խոզապուխտը և ծովախեցգետնի ձողիկները կտրատել խորանարդաձև, իսկ պանիրն ու խնձորը քերել։ Գետնանուշը տապակել և մանրացնել բլենդերի մեջ։
Ափսեի վրա դրված օղակի մեջ դնել պանրի առաջին շերտը, ապա դեղնուցները, ծովախեցգետնի ձողիկները, խնձորը, խոզապուխտը, գետնանուշը, համեմել մայոնեզով։ Վերևից առանց մայոնեզի լսնել սպիտակուցները և դնել սառնարանը մի քանի ժամով։
«Իդեալ»
Բուսական և սերուցքային յուղերի խառնուրդի վրա սունկը տապակել սոխով։ Ափսեի վրա թղթե անձեռոցիկներ շարել և վրան դնել եփած սունկը, որպեսզի սառի և ներծծի ավելորդ ճարպը: Գազարը, միսը և սալորաչիրը կտրատել նույնական խորանարդնեով: Ընկույզի միջուկները դանակով մանրել։ Պատրաստել սոուսը՝ մայոնեզը թթվասերի հետ խառնելով և համեմելով աղով և պղպեղով։
Տեղադրել բաժանարար օղակը մեծ հարթ ափսեի վրա: Նրա կենտրոնում շերտերով շարել բաղադրիչները հետևյալ հաջորդականությամբ՝ սունկ, միս, չորացրած մրգեր, գազար և պանիր։ Յուրաքանչյուր շերտն առատորեն ծեփել սոուսով։ Վրան լցնել ընկույզը:
Այնուհետև, առանց օղակը հանելու, սննդային թաղանթով ծածկել և մի քանի ժամ դնել սառնարանը։ Մատուցելուց առաջ հեռացրեք օղակն ու թաղանթը, զարդարեք կանաչիով։
«Սունկը՝ մուշտակի տակ»
Սոխը կտրատել խորանարդներով, իսկ սունկը՝ բարակ։ Այնուհետև ամեն ինչ տապակել տապակի մեջ մինչև եփվի և թողնել ամբողջովին սառչի:
Առանձնացնել երկու դեղնուց, սպիտակուցները վարունգի, կարտոֆիլի և պանրի հետ միասին մանր քերիչով անցկացնել։ Կանաչ տերևները դանակով ոչ շատ մանր կտրատել։
Նախուտեստը պետք է հավաքել շերտերով` սունկ, կարտոֆիլ, կանաչ սոխ (մի քիչ թողնել զարդարման համար), վարունգ, ձու, պանիր։
Բաղադրիչների միջև մայոնեզի ցանց պատրաստել: Որպես դեկոր՝ դեղնուցները տրորել կենտրոնում և շաղ տալ մանր կտրատած կանաչ տերևներով՝ եզրերին:
«Օլիվյե կարմիր ձկով և խավիարով»
Կարտոֆիլը կարմիր ձկան և այլ բաղադրիչների հետ խորանարդաձև մանրացնել։ Խառնել մանրացված բաղադրիչները պահածոյացված ոլոռի հետ և համեմել մայոնեզով։
Խոհարարական օղակի օգնությամբ աղցանը լցնել, վրան զարդարել կարմիր խավիարով և կանաչիով, իսկ կողքերին՝ ձիթապտուղներով։
