«Ուժեղ Հայաստան» դաշինքի պատգամավորի թեկնածուներ Հայկ Ավագյանի և Արթուր Աբրահամյանի նկատմամբ որպես խափանման միջոց է ընտրվել կալանքը, հայտարարվել է հետախուզում։
Armenia Today-ը Քննչական կոմիտեից տեղեկացել, որ պատգամավորներն այն 6 թեկնածուների թվում են, որոնց ձերբակալելու որոշում էր կայացվել հունիսի 6-ին։ Նրանցից ևս երկուսին՝ «Փաստինֆոյի» տվյալներով՝ Սասուն Բադոյանին և Վահե Եղիազարյանին, կալանավորել էին հունիսի 9-ին։ Գործով, ըստ աղբյուրի, անցնում են նաև թեկնածուներ Վահե Թավաքալյանը և Աշոտ Սահակյանը։
Պատգամավորի թեկնածուներին մեղադրում են նյութապես շահագրգռելու և առանձնապես խոշոր չափերով փողերի լվացման ենթադրյալ արարքի մեջ։
Նախընտրական փուլում՝ մարտի 30-ից սկսած, իրավապահ մարմինները հրապարակում են նյութեր, որոնցում դաշինքի ներկայացուցիչները մեղադրվում են բարեգործության մասին օրենքը խախտելու, կաշառք տալու և խոստանալու կասկածով։
«Ուժեղ Հայաստան» դաշինքում հերքում են մեղադրանքները՝ կատարվածն անվանելով քաղաքական հալածանք։ Դաշինքում հայտարարել են, որ գործում են օրենքի շրջանակներում և ընտրակաշառք չեն կիրառում։ Դաշինքի առաջնորդ Սամվել Կարապետյանը հունիսի 8-ին հայտնել էր, որ թիմում կալանավորվածների թիվն ացնում է 700-ը, որոնցից 75-ը կալանավորվել է ԱԺ ընտրությունների օրը՝ հունիսի 7-ին։
Կարդացեք նաև՝
Սև PR ու Պանդորայի արկղ․ Հակոբյանը կանխատեսել է ընտրարշավի ամենաթեժ փուլը
