Կալանավորվել են «Ուժեղ Հայաստան» դաշինքի պատգամավորության երկու թեկնածուները, որոնց ձերբակալելու որոշում էր կայացվել հունիսի 6-ին։
Քննչական կոմիտեն հայտնել է, որ նրանց ձերբակալել են բազմաթիվ անձանց նյութապես շահագրգռելու և առանձնապես խոշոր չափերով փողերի լվացման կասկածով ավելի վաղ հարուցված քրեական վարույթի շրջանակում։
ՔԿ-ից չեն նշել կալանավորվածների անունները՝ հավելելով, որ քրվարույթի նախաքննությունը շարունակվում է:
Հունիսի 6-ին ՔԿ-ն հայտնել էր, որ վերոնշյալ քրվարույթի շրջանակում դաշինքի 6 թեկնածուի ձերբակալելու որոշում է կայացվել։
Մարտի 30-ից իրավապահ մարմինները հրապարակում են նյութեր, որոնցում դաշինքի ներկայացուցիչները մեղադրվում են բարեգործության մասին օրենքը խախտելու, կաշառք տալու և խոստանալու կասկածի մեջ։ Քաղաքական ուժի ներկայացուցչի խոսքով՝ ձերբակալվածների և բերման ենթարկվածների թիվը գերազանցել է 300-ը։
«Ուժեղ Հայաստան» դաշինքում հերքում են մեղադրանքները՝ կատարվածն անվանելով քաղաքական հալածանք։ Դաշինքում հայտարարում են, որ գործում են օրենքի շրջանակներում և ընտրակաշառք չեն կիրառում։ Դաշինքի առաջնորդ Սամվել Կարապետյանը հունիսի 8-ին հայտնել էր, որ թիմում կալանավորվածների թիվն ացնում է 700-ը, միայն 75-ը կալանավորվել են ԱԺ ընտրությունների օրը։
Կարդացեք նաև՝
Սև PR ու Պանդորայի արկղ․ Հակոբյանը կանխատեսել է ընտրարշավի ամենաթեժ փուլը
