Հոկտեմբերի 14-ի դրությամբ՝ Արցախից բռնի տեղահանված 3087 ընտանիք բնակարանային ապահովման պետական աջակցության ծրագրի շրջանակում հավաստագիր է ստացել, տեղեկանում ենք ՀՀ Աշխատանքի և սոցիալական հարցերի նախարարության նախագծից։
Նշվում է, որ 3087 ընտանիքից 1102-ն իրացրել է հավաստագիրը․ նրանցից 961-ը անշարժ գույք է ձեռք բերել, 10-ը՝ անհատական բնակելի տուն, իսկ 131-ը գործող հիփոթեքային վարկ է մարել։
Կառավարությունը հավանություն է տվել նախագծին, որով փոխվելու է պետական ծրագրում շահառու ճանաչվելու կարգը, հեշտացվելու է ծրագրին մասնակցելու հնարավորությունը։
Առաջարկվող նախագծով ծրագրի շահառու կարող են դառնալ նաև այն ընտանիքները, որոնց որևէ անդամ դատարանի որոշմամբ ճանաչվել է անհայտ բացակայող։ Բացի այդ, այն երեխաները, որոնք սեպտեմբերի 19-ի դրությամբ անչափահաս էին, բայց հիմա չափահաս են դարձել, կկարողանան որպես առանձին ընտանիք մասնակցել ծրագրին։
Armenia Today-ին նախարարությունից ավելի վաղ հայտնել էին, որ հոկտեմբերի 1-ի դրությամբ՝ հավաստագիր ստացած 1044 ընտանիքից քանիսն է իրացրել այն, քանիսն է բնակարան ու տուն գնել։
2023 թվականի սեպտեմբերի 19-ին Ադրբեջանը հարձակվել էր Արցախի վրա։ Ռազմական գործողությունների ավարտից հետո Արցախի ամբողջ բնակչությունը բռնի տեղահանվել էր։ Արցախից բռնի տեղահանված 100 632 քաղաքացի էր հասել ՀՀ։
Կարդացեք նաև՝
Արցախցիներն ինչպե՞ս կարող են օգտվել բնակարան ձեռք բերելու պետական աջակցությունից
«Երկու տարի առանց Արցախի». սեպտեմբերի 19-ը հայտարարվել է Բռնի տեղահանության և պահանջատիրության օր
«Մեկ տարի առանց Արցախի». 2023թ․ ադրբեջանական հարձակման և բնիկ հայերի տեղահանության ժամանակագրություն
Բարձր հարկեր և աջակցության բացակայություն. ի՞նչ դժվարություններ ունի արցախյան բիզնեսը
Արցախցիների համար պետական ծրագրերը նվազում են, Սամվել Կարապետյանինը՝ շարունակվում․ «Մեր ձևով» շարժման անդամ
