Արդարության և ժողովրդավարության եվրոպական հայկական դաշնությունը (EAFJD) դատապարտել է մարտի 24-ին Բելգիայի Հոյսդեն-Զոլդեր քաղաքում թուրք ծայրահեղականների հարձակումը քրդերի վրա։
«Նրանց կողմից ֆաշիստական «Գորշ գայլերի» խորհրդանիշների ցուցադրումը և ահաբեկչական կազմակերպությունների անունները վանկարկելը, ինչպիսին է «Իսլամական պետությունը», զզվելի է և տեղ չունի այնպիսի քաղաքակիրթ հասարակություններում, ինչպիսին Բելգիան է»,- ասվում է հայտարարության մեջ:
Թուրք ծայրահեղականները Բելգիայի հյուսիսարևելյան Լիմբուրգ նահանգում հարձակվել էին քուրդ ընտանիքների վրա, ովքեր վերադառնում էին Նովրուզի տոնակատարությունից՝ գարնան և Ամանորի գալուստի տոնից, Բելգիայի հյուսիսարևելյան Լիմբուրգ նահանգից։ EAFJD-ը կոչ է արել պատասխանատվության ենթարկել էթնիկ և գաղափարական տարբերությունների վրա հիմնված բռնության և ահաբեկման մեղավորներին:
2020 թվականի նոյեմբերին Ֆրանսիան արգելել էր «Գորշ գայլերի» գործունեությունը, ինչին Թուրքիան խոստացել էր «ուժեղ պատասխան» տալ։ Ավելի ուշ գերմանական մի շարք ընդդիմադիր կուսակցությունների ներկայացուցիչներ երկրի կառավարությանը կոչ էին արել հետևել Փարիզի օրինակին և արգելել թուրքական աջակողմյան կազմակերպությունը, որից հետո «Գորշ գայլերի» անդամներն սկսել էին սպանությամբ սպառնալ Գերմանիայում ապրող հայերին։
