Ռուսական նավթ տեղափոխելու համար պատժամիջոցների տակ գտնվող Progress լցանավը լողում է Միջերկրական ծովում՝ Ալժիրի ափերի մոտ, հայտնել է ՌԲԿ-ն՝ հղում անելով Bloomberg-ին։
Գործակալությունը նշել է, որ տանկերը պարունակում է 730 հազար բարել ուրալյան նավթ։
Vesselfinder պորտալի տվյալների բազայում նշված է այս անունով մի քանի նավ։ Դրանցից մեկն ազդանշան է փոխանցել իր տրանսպոնդերից երեք օր առաջ՝ հունվարի 20-ին, Ալժիրի հյուսիսարևելյան ափերի մոտ։ Պորտալի տվյալներով՝ տանկերը Պրիմորսկից ուղևորվում է դեպի Եգիպտոսի Պորտ Սաիդ, իսկ ժամանման ենթադրյալ ամսաթիվը հունվարի 28-ն է։
Ըստ Bloomberg-ի՝ նավը շարժվում էր դեպի արևելք՝ Աֆրիկայի ափի երկայնքով, երբ հունվարի 21-ի կեսօրին հանկարծակի շրջվել է դեպի հյուսիս։ Հաջորդ առավոտյան նրա նավիգացիոն կարգավիճակը փոխվել է «Չի գտնվում հրամանատարության տակ», իսկ արագությունը նվազել է։ Այսօր՝ հունվարի 23-ին, նրա կարգավիճակը և արագությունը մնացել են անփոփոխ։ Կայքը նշում է, որ նավի կարգավիճակի փոփոխությունը վկայում է մեխանիկական անսարքության մասին։
