Արգենտինացի ֆուտբոլիստ Լիոնել Մեսսիի վաղաժամ հեռանալուց հետո երկրպագուները կոտրել են բարիկադները և ներխուժել Հնդկաստանի արևելյան Կալկաթա քաղաքի մարզադաշտ: Մեսսին եռօրյա շրջագայություն է կատարում այնտեղ, հաղորդում է Aljazeera-ն:
Այսպես կոչված GOAT՝ «բոլոր ժամանակների մեծագույնը» շրջագայությունը մեկնարկել է դեկտեմբերի 13-ին:
Կալկաթայում 38-ամյա արգենտինացուն և «Ինտեր Մայամիի» ներկայացուցչին հանդիպելու համար երկրպագուները հավաքվել են Սոլթ Լեյք Սիթիի մարզադաշտում: Նշվում է, որ Մեսսին շրջանցել է խաղադաշտը և սպասվածից շուտ լքել մարզադաշտը:
Վրդովված հանդիսատեսը, որոնցից շատերը տոմսերի համար վճարել էին ավելի քան 100 դոլար, պոկել են մարզադաշտի նստատեղերը և ջրի շշեր նետել վազքուղու վրա: Մյուսները ներխուժել են դաշտ և փչացրել պաստառները:
Մինչ այս ամենը Մեսսին բացել էր 21 մետրանոց արձանը, որը պատկերում էր իրեն՝ աշխարհի գավաթը ձեռքին:
Սպասվում էր նաև, որ նա կարճ ցուցադրական հանդիպում կանցկացներ խաղադաշտում։
