«Աէրոֆլոտ» ավիաընկերության՝ Մոսկվա-Երևան SU 1864 չվերթը չեղարկվել է, ժամանումը Երևանում նախատեսված էր 13:25: «Զվարթնոց» օդանավակայանի չվացուցակի համաձայն՝ թռիչքը չի կայացել:
Ինքնաթիռը պետք է մեկներ «Շերեմետևո» օդանավակայանից: Մեկ այլ՝ «Վնուկովո» օդանավակայանի չվերթը (3F 322), սակայն, չի չեղարկվել: Ժամանումը նախատեսված է 13:40-ին:
«Ռոսավիացիան» այսօր հայտնել է երկրի մի քանի օդանավակայանում թռիչքների չեղարկման կամ հետաձգման մասին, պատճառն ԱԹՍ-ների հարձակումներն են:
Ավելի վաղ հաղորդվել էր, որ ՀՀ վարչապետ Նիկոլ Փաշինյանի ինքնաթիռը փակ օդային տարածքի պատճառով չի կարողացել վայրէջք կատարել Մոսկվայում և մեկնել է այլ օդանավակայան:
