ԱՄՆ նախագահ Դոնալդ Թրամփը հայտարարել է, որ Միացյալ Նահանգները և Իրանը կարող են խաղաղության համաձայնագիր ստորագրել արդեն այս շաբաթվա վերջին, հայտնում է Reuters-ը։
Թրամփի խոսքով՝ համաձայնագրի ստորագրումից հետո Հորմուզի նեղուցը «պաշտոնապես կբացվի»։ Նա նշել է, որ համաձայնագիրը կարող է ստորագրվել «շատ շուտով, հնարավոր է՝ Եվրոպայում», և որ փոխնախագահ Ջեյ Դի Վենսը կարող է փաստաթուղթն ստորագրել Միացյալ Նահանգների անունից։
Հարցին, թե Իրանի գերագույն առաջնորդ Մոջթաբա Խամենեին հավանություն տվե՞լ է համաձայնագրին, Թրամփը պատասխանել է. «Որքան հասկանում եմ, պատասխանը՝ այո»։
Ավելի վաղ Թրամփը հայտարարել էր, որ չեղարկել է հունիսի 11-ին Իրանի վրա նախատեսված հարվածները։
ԱՄՆ-ն և Իսրայելն սկսել էին հարվածներ հասցնել Իրանին փետրվարի 28-ին։ ԶԼՄ-ները մայիսի վերջին հայտնել էին, որ ԱՄՆ-ն ու Իրանը մոտ են 60-օրյա հրադադարի համաձայնագիր կնքելուն։ Այս ֆոնին, սակայն, ԱՄՆ-ն և Իրանը շարունակել են հարվածներով փոխանակվել։ Հունիսի 9-ին Թրամփը հայտարարել էր, որ Միացյալ Նահանգներն առաջիկա երկու շաբաթվա ընթացքում կհայտարարի Իրանի նկատմամբ «լիակատար հաղթանակի» մասին և կկնքի վերջնական գործարք։
