Կենտրոնական ընտրական հանձնաժողովը մայիսի 3-ի արտահերթ նիստում գրանցել է Ազգային ժողվի ընտրություններին մասնակցող ուժերի ցուցակները և սահմանել դրանց հերթականությունն ընտրաթերթիկներում։ ԿԸՀ արտահերթ նիստի հեռարձակումը՝ Armenia Today-ի Youtube-ի ալիքով։
Քաղաքական ուժերի լիազոր ներկայացուցիչների մասնակցությամբ անցկացված վիճակահանության արդյունքներով հերթականությունը հետևյալն է․
- 1․ Ռեֆորմիստների կուսակցություն
- 2․ «Բոլորին դեմ եմ» ժողովրդավարական կուսակցություն
- 3․ «Ուժեղ Հայաստան» դաշինք
- 4․ Հայաստանի շնորհապետական կուսակցություն
- 5․ «Նոր ուժ» ռեֆորմիստական կուսակցություն
- 6․ «Միասնության թևեր» կուսակցություն
- 7․ «Բարգավաճ Հայաստան» կուսակցություն
- 8․ «Ազգային ժողովրդավարական բևեռ» համահայկական կուսակցություն
- 9․ Քոչարի ազգային վերածնունդ և ազգի զարթոնք կուսակցություն
- 10․ «Հայ ազգային կոնգրես» կուսակցություն
- 11․ «Հանրապետություն» կուսակցություն
- 12․ Քրիստոնեա-ժողովրդավարական կուսակցություն
- 13․ «Ալյանս» առաջադիմական ցենտրիստական կուսակցություն
- 14․ «Ժողովրդավարական համախմբում» կուսակցություն
- 15․ Դեմոկրատիա օրենք կարգապահություն կուսակցություն
- 16․ «Քաղաքացիական պայմանագիր» կուսակցություն
- 17․ «Հայաստան» կուսակցությունների դաշինք
- 18․ «Հանուն հանրապետության ժողովրդավարության պաշտպանների» դաշինք
- 19․ «Լուսավոր Հայաստան» կուսակցություն
Միաժամանակ՝ ԿԸՀ-ն մերժել է տարբեր քաղաքական ուժերի 21 թեկնածուի գրանցում՝ ընտրական օրենսգրքով պահանջվող փաստաթղթերի բացակայության պատճառով։
Նրանց թվում են «Ալյանս» կուսակցության ցուցակի առաջին համար Տիգրան Ուրիխանյանը և «Դեմոկրատիա օրենք կարգապահություն» կուսակցության ցուցակի առաջին համար Վարդան Ղուկասյանը։
Ընտրական ցուցակներն ու նախընտրական ծրագրերը կհրապարակվեն մինչև մայիսի 6-ը:
Հայաստանում խորհրդարանական ընտրությունները կկայանան հունիսի 7-ին։ Քարոզարշավը կսկսվի մայիսի 8-ին և կշարունակվի մինչև հունիսի 5-ի կեսգիշեր։
