«Ուժեղ Հայաստան» դաշինքի՝ հետախուզման մեջ գտնվող պատգամավորի թեկնածու Արթուր Աբրահամյանը հայտնաբերվել և կալանավորվել է, Armenia Today-ին հայտնել են Քննչական կոմիտեից։
Աբրահամյանին և դաշինքի 5 թեկնածուի մեղադրանք էր առաջադրվել հավաքին մասնակցելուն նյութապես շահագրգռելուն օժանդակելու և փողերի լվացման հոդվածներով։ Նրանցից 2-ը, ԶԼՄ-ների տվյալներով, Սասուն Բադոյանին և Վահե Եղիազարյանին կալանավորվել էին հունիսի 9-ին, իսկ 4-ի, այդ թվում՝ Աբրահամյանի նկատմամբ հետախուզում էր հայտարարվել։
Ավելի ուշ այլ վարույթով՝ ընտրակաշառք տալու նախապատրաստման կասկածով, կալանավորվել էր դաշինքի պատգամավորի թեկնածու Դավիթ Ղազինյանը, իսկ Աշոտ Եղիազարյանը՝ ենթադրյալ ընտրակաշառք տալու և ստանալու դեպքերով նախաձեռնված վարույթով։
Դաշինքի առաջնորդ Սամվել Կարապետյանը հունիսի 8-ին հայտնել էր, որ թիմում կալանավորվածների թիվն ացնում է 700-ը, որոնցից միայն 75-ը կալանավորվել էր ԱԺ ընտրությունների օրը։ Նա նաև հայտնել էր, որ միայն ԱԺ ընտրությունների օրը՝ հունիսի 7-ին, շտաբների պետերին ու պատասխանատուներին՝ թվով 150 անձ, ձերբակալել էին։ Դաշինքում պատգամավորի թեկնածուների և համակիրների կալանքները քաղաքական են անվանել։
