Իրանի արտաքին գործերի նախարար Աբբաս Արաղչին Ռուսաստանի իր պաշտոնակից Սերգեյ Լավրովի հետ հեռախոսազրույցի ընթացքում հայտարարել է, որ Կասպից ծովում իրանական առևտրային նավի վրա Ուկրաինայի հարձակումն անպատասխան չի մնա, հայտնել է ՌԻԱ Նովոստին։
Իրանի ԱԳՆ-ն հուլիսի 25-ին հայտնել էր, որ հարվածի հետևանքով մեկ մարդ զոհվել է, ևս մեկը՝ վիրավորվել։ Թեհրանը տեղի ունեցածն անվանել էր միջազգային իրավունքի խախտում և Կիևին մեղադրել հակամարտության էսկալացիայի մեջ։
«ԵՄ արտաքին քաղաքականության ղեկավար Կայա Կալլասի և Ռուսաստանի ԱԳ նախարար Սերգեյ Լավրովի հետ զրույցներում ես ընդգծեցի, որ Կիևի այս օպորտունիստական գործողությունները չեն կարող անպատասխան մնալ»,- գրել է Արաղչին X -ի իր էջում։
Նա ընդգծել է, որ իրանական նավի վրա Ուկրաինայի հարձակումն իրականացվել է Իսրայելի դրդմամբ՝ Եվրոպան Իրանի հետ պատերազմի մեջ ներքաշելու նպատակով։
