Երևանում անհետ կորած12-ամյա Մաքս Մելքոնյանը հայտնաբերվել է, հայտնել են Ներքին գործերի նախարարության ոստիկանության ծառայությունից։
ՆԳՆ-ից տեղեկացրել են, որ պատանուն ներկայացրել են համայնքային ոստիկանության Շենգավիթի բաժին, հանգամանքները պարզվում են։
Ոստիկանությունից հավելել են, որ Մելքոնյանը հոկտեմբերի 9-ին դուրս էր եկել Երևան քաղաքի Շիրակի փողոցի հասցեներից մեկից և չէր վերադարձել։ ՆԳՆ-ն նրա՝ անհետ կորելու մասին ահազանգն ստացել էր հոկտեմբերի 11-ին։
Shamshyan.com-ի տեղեկություններով՝ պատանին տանից հեռացել էր, քանի որ «36-ամյա հայրն իրեն անընդհատ ենթարկել էր ֆիզիկական ներգործության»։ Կայքը հավելել է, որ դեպքի առթիվ իրավապահները Շենգավիթի բաժնում փաստաթղթեր են կազմել և փոխանցել ՀՀ քննչական կոմիտե։
