Գյումրու որոշ թաղամասեր, Արթիկի շուրջ 10 բնակավայր հոսանքազրկված են, հայտնում է Շիրակի մարզպետարանը։
Ուժեղ պտտահողմը, 17-32 մ/վ արագությամբ քամին, նախնական տվյալներով, Գյումրի և Արթիկ քաղաքներում տանիքներ են վնասել, ծառեր արմատախիլ արել։
Մեծ Մանթաշ, Գետափ, Գեղանիստ, Հոռոմ, Արևշատ, Նոր Կյանք, Անուշավան, Հոռոմ, Պեմզաշեն գյուղերում վնասվել են բնակելի շենքերի, տների, հասարակական և գյուղատնտեսական շինությունների տանիքներ, ջերմոցային տնտեսություններ, էլեկտրահաղորդման գծեր։
Մարզի մի շարք բնակավայրերի ցանքատարածություններ, ըստ ահազանգերի, տուժել են տեղացած ուժեղ կարկուտից։
Այսօր ավելի վաղ ՆԳՆ-ն հայտնել էր, որ մի շարք մարզերում ուժեղ քամուց վնասվել են տանիքներ, տապալվել ծառեր։
