Քննչական կոմիտեն քրեական վարույթ է նախաձեռնել xosnak.am-ի դեմ արցախահայության նկատմամբ ատելության խոսք տարածելու, բռնության կոչեր հնչեցնելու և հանրության շրջանում թշնամանքի մթնոլորտ ձևավորելու համար, հայտնել է «Հայաստան» խմբակցության պատգամավոր Լիլիթ Գալստյանը։
Նա մանրամասնել է, որ ՀՀ գլխավոր դատախազ Աննա Վարդապետյանին էր ներկայացրել հաղորդում հանցագործության մասին և ստացել է ՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչության պատասխանը՝ տվյալ լրատվականի նկատմամբ քրեական վարույթ նախաձեռնելու մասին։
Վարույթի հիմքում Գալստյանի, Նաիրի Հոխիկյանի և Մեսրոպ Առաքելյանի նույնաբովանդակ դիմումներն են։
Ապրիլի 29-ին ՀՀ արդարադատության նախարար Սրբուհի Գալյանը հայտնել էր, որ քննարկում են ատելության խոսքի դրսևորումների հետ կապված վարչական պատասխանատվության սահմանելու հնարավորությունը։
