Փրկարարները Հրազդան գետից դուրս են բերել դի, հայտնում է Shamshyan.com-ը։
Ըստ կայքի՝ ժամը 19։15-ի սահմաններում տեղեկություն է ստացվել, որ Հրազդանի կիրճում՝ ժողովրդին հայտնի «Բիձու գյոլից» դեպի Հրազդան մարզադաշտ տանող ճանապարհին՝ ձախակողմյան հատվածով հոսող Հրազդան գետում, դի կա։ Ականատեսը նկարել էր գետում գտնվող դին, սակայն մինչ կժամանեին փրկարարներն ու ոստիկանները, գետի հունը բարձրացել էր, և մարմինը չէր երևում։
Ավելի ուշ կայքը հայտնել է, որ հատուկ նշանակության փրկարարական աշխատանքների իրականացման կենտրոնի ջրասուզակը փրկարարների հետ մեծ դժվարությամբ մոտեցել է և դին ճոպանների միջոցով դուրս բերել։ Իրավապահները պարզում են մահացածի ինքնությունը։
