Իրան «Բուշեր» ատոմակայանի վրա երրորդ հարձակման մասին տեղեկատվության ֆոնին ՀՀ-ում ՌԴ դեսպանատունը հայտնել է Հայաստանի տարածքով Ռոսատոմի ևս 164 աշխատակցի տարհանման մասին։
«Երևան-Մոսկվա հատուկ չվերթով տարհանվել են նաև Բելառուսի, Տաջիկստանի և Ուզբեկստանի քաղաքացիներ»,- ասվում է հաղորդագրությունում:
Նշվում է, որ Իրանի դեմ ամերիկա-իսրայելական ագրեսիայի սկզբից ի վեր, ընդհանուր առմամբ, Հայաստանի տարածքով 327 ՌԴ քաղաքացի է վերադարձել Ռուսաստան։
Ռուսաստանի դիվանագիտական ներկայացուցչությունում իրենց խորին երախտագիտությունն են հայտնել Հայաստանի իշխանություններին՝ «Ռոսատոմ» պետական կորպորացիայի աշխատակիցների մուտքն օպերատիվ ձևակերպելու համար:
Իսրայելն ու ԱՄՆ-ն փետրվարի 28-ին հայտարարել էին Իրանի դեմ լայնածավալ մարտական գործողություններ սկսելու մասին: Ի պատասխան՝ Իրանը հայտարարել էր Իսրայելի և տարածաշրջանում ամերիկյան թիրախների դեմ հրթիռային գործողության մեկնարկի մասին: Մարտի 1-ին Իրանը հաստատել էր երկրի Գերագույն հոգևոր առաջնորդ Ալի Խամենեիի մահը: Երկու կողմում էլ զոհերի թիվը ժամ առ ժամ փոխվում է։
